مشروعات شباب الخريجيين ببنى مزار
عملنا مسح للمجتمع المحيط للتعرف على مشروعات شباب الخريجين الموجودة فبنى مزار وتم عمل اللقاءات الاتية:
الاسم \ ايهاب
المؤهل \ دبلوم صناعة
الوظيفة \ فاتح محل تصليح احذية
مصدر التمويل \ شخصى
س \ هل تملك وظيفة حكومية ؟ ج\ لا
س \ هل مشروعك يغطى تكاليف انتاجة ؟
ج \ لا
س\ ماهى الميزانية التقريبية لمشروعك ؟
ج \ حوالى 10000 جنية 
س \ لسة بتدور الوظيفة الحكومى ؟
ج \ طبعاً
الاسم \ احمد فتحى
المؤهل \ ارشاد زراعى معهد تعاون
الوظيفة \ تجارة الطرح والايشاربات
مصدر تمويل المشروع \ شخصى
بدأت مشروعى بميزانية 5000 جنية وبكشك صغير ثم ربنا كرمنى وتوسعت
لا املك وظيفة حكومية والمشروع بيفى باحتياجاتى
الاسم \ طارق
المؤهل \ معهد فنى تجارى
الوظيفة \ مشروع تجارة المنتجات الورقية
نوع التمويل \ شخصى
بدأت مشروعى بتكلفة حوالى 5000 جنية وغطى تكاليفة وبيغطى مصاريفى والتزاماتى بس باعانى من الروتين الحكومى
انا رحمة عزت 2-4
ردحذفمعلش يا جماعة بس لية تعليق
المشروعات دى اللى انتوا رحتوا وشفتوها مش مقياس
يعنى الناس دى بدأت على حسب حواركم معاهم بمبلغ مايعتبرش صغير خصوصا واحنا مانملكش شئ
يبقى لو فية تمويل خارجى هايكون افضل واحنا نكون مجرد ايدى عاملة ولا اية ؟
فعلا عندك حق يا رحمة المشروعات دى مش مقياس
ردحذفوالبداية برأس مال مش بسيط
لكن برضة السلبية والاعتماد على اى جهة فالتمويل واعتبار اننا مجرد ايدى عاملة مش حل جذرى للمشكلة
دة حل مؤقت لتنفيذ فكرة المشروع من خلال المدرسة والمجتمع المحلى
لكن انتى بعد التخرج لازم يكون ليكى حلول اكثر حسما وايجابية
واحنا عايزين من دة الوقت نشوف حل مع بعض ونناقشة
انا عصام الدين ابو الحمد
ردحذفولى امر الطالبة رباب
فعلا الاعتماد على التمويل من جمعيات خارجية مش هايكون حل جذرى للمشكلة
وانا باقترح عليكم اللجوء للاقتراض من صناديق التنمية اللى بتوفرها الدولة والقروض البسيطة اللى بتديها البنوك
الف شكر على مشاركة حضرتك
ردحذفبس الاقتراض من البنوك وصناديق التنمية بيدخلنا فمتاهة سعر الفايدة وضرورة الضامن والروتين الحكومى
الموضوع بالنسبة للبنات ابسط من كدةبكتير
هما بيفكروا بطريقة عملية وسريعة وبسيطة فنفس الوقت